Катонқарағай ауданында тұрғындар арасында туындаған жанжалдың соңы қайғылы жағдаймен аяқталды, деп хабарлайды F16.kz.
Оқиға 7 қаңтар күні болған. Күдікті бірден ұсталып, уақытша ұстау изоляторына қамалды.
Екі тұрғынның арасында жанжал туындап, бірі екіншісіне пышақ салған. Жәбірленуші медициналық мекемеде көз жұмды. Аталған жағдайға қатысты «Денсаулыққа қасақана ауыр зиян келтіру, абайсызда өлімге әкеп соғу» бабы бойынша сотқа дейінгі тергеп-тексеру амалдары жүргізіліп жатыр, — деп жазды ШҚО ПД баспасөз қызметі.
Естеріңізге сала кетейік, бұған дейін 7 қаңтар күні облыс орталығында да осыған ұқсас қылмыс болғанын жазғанбыз. Тұрмыстық жанжал салдарынан ер адам бірге тұратын әйелді пышақтап өлтірген.
