Тарбағатай ауданының орталығы Ақжар ауылында көппәтерлі тұрғын үйлер мен жаңа жылу қазандығы салынады. Қазандықтың құрылыс жұмысы биыл жазда басталады, деп хабарлайды F16.kz.
Бұл туралы аудан әкімі Дархан Жөргекбаев аймақ басшысы Нұрымбет Сақтағановтың Тарбағатай өңіріне жасаған жұмыс сапары кезінде айтты.
Қазір жобаны жүзеге асыруға қажетті қаражат қарастырылып, мердігер анықталған. Жылу қазандығына бірінші кезекте аудан орталығындағы барлық әлеуметтік нысан мен көпқабатты тұрғын үйлер қосылады.
Сонымен қатар Ақжарда 30 немесе 60 пәтерлі көпқабатты тұрғын үйлер салу жоспарда бар. Қазір құрылыс басқармасымен жұмыс жүргізіліп жатыр. Бұл жас мамандарды баспанамен қамтуға септігін тигізеді. Ол үйлер де осы жылу қазандығына қосылады, — деді аудан әкімі Дархан Жөргекбаев.
