Өскеменде ауа сапасы нашарлауы мүмкін. Бұл туралы Шығыс Қазақстан облысының экология департаменті мәлім етті, деп хабарлайды F16.kz.
Экологтардың хабарлауынша, бүгін, 14 қаңтар сағат 20.00-ден 15 қаңтар сағат 20.00-ге дейін қала аумағында қолайсыз метеорология жағдайларға байланысты екінші дәрежелі ескерту жарияланды. Осы кезеңде ауадағы зиянды заттардың мөлшері артуы мүмкін.
Қолайсыз метеожағдай кезінде далада ұзақ уақыт жүрмеген абзал. Ауа райы мен жол жағдайы туралы жедел ақпаратты «Дармен» мобильді қосымшасынан алуға болады.
