Шығыс Қазақстан облысы білім басқармасының мәліметінше, Өскемен мектептерінде екінші ауысымда да сабақ онлайн өтеді, деп хабарлайды F16.kz.
Бүгін ауа райының күрт суытуына байланысты Өскеменнің білім мекемелерінің екінші ауысымда оқитын 0–4-сынып оқушылары қашықтан оқыту форматына ауыстырылды.
Бұған дейін Өскемен, Риддер қалаларында және Күршім, Алтай аудандарында ауа температурасының күрт төмендеуіне байланысты бүгін бірінші ауысымдағы сабақтар қашықтан оқыту форматына көшірілгенін жазғанбыз.
