Биыл Шығыстың бас шаһарында көпқабатты үйлердің қасбетін жаңарту жұмыстары жалғасын таппақ. Бұл туралы қала әкімі Алмат Ақышов айтты, деп хабарлайды F16.kz.
Шаһар басшысының айтуынша, Әуезов даңғылы бойындағы үйлердің қасбеті жаңара бастайды.
Ағымдағы жылы Әуезов даңғылындағы үйлердің қасбеттерін жаңғырту жоспарланып отыр. Жұмыстар аясында үйдің сырты заманауи фиброцемент материалын қолдана отырып жөнделеді, сылақ жұмыстары жүргізіледі және балкондары заманауи стильде безендіріледі. Сондай-ақ жарықтандыру мен тротуар салу жұмыстары да қолға алынады, — деді Алмат Ақышов.
Қала әкімі абаттандыру барысында кәсіп өкілдерімен де жұмыс жүргізіп, жарнамалық маңдайшаларды ретке келтіруді тапсырды.
