«Қазгидромет» РМК еліміздегі ауа сапасына қатысты болжамын жариялады. Бүгін Өскемен мен Риддер қалаларында ауа сапасы тағы төмендейді, деп хабарлайды F16.kz.
Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.
20 қаңтар күні Қарағанды, Теміртау, Балқаш, Өскемен, Риддер, Атырау, Ақтөбе, Алматы қалаларында ауаның ластануының қолайсыз метеорологиялық жағдайлары күтіледі, — делінген хабарламада.
Айта кетейік, күні кеше «Қазгидромет» өкілдері Өскеменде ауаға тараған екі зиянды зат мөлшері рұқсат етілген шектен асып кеткенін анықтаған.
Ең көп көрсеткіш күкірт диоксиді бойынша (3,3 есе) және күкіртсутек (3 есе) бойынша тіркелді.
