Алдағы сенбіде облыс орталығында ауыл шаруашылығы өнімдерінің жәрмеңкесі өтеді. Шара барысында өңірлік тауар өндірушілер мен кәсіпкерлер тұрғындарға экологиялық таза әрі сапалы азық-түлік өнімдерін ұсынады, деп хабарлайды F16.kz.
Жәрмеңке 24 қаңтар сағат 08.00-ден 14.00-ге дейін «Алтай» көтерме-бөлшек сауда орталығының аумағында (Жібек жолы көшесі, 44) ұйымдастырылады.
Қала тұрғындары мен қонақтары сиыр, жылқы, қой және шошқа еті, сондай-ақ сүт өнімдері мен түрлі шұжық түрлерін нарықтағыдан арзанға сатып ала алады.
