ШҚО бойынша 2025 жылдың IV тоқсанында барлығы 29 күн ауа ластанған. Бұл туралы «Қазгидромет» РМК мәлім етті, деп хабарлайды F16.kz.
Ауа сапасына жасалған мониторинг қорытындысына сәйкес, былтырғы IV тоқсанында облыс орталығында ауаның ластану деңгейі жоғары деп бағаланған.
Күкірт диоксиді, көміртегі оксиді, азот оксиді, озон, күкіртсутек, фенол, фторлы сутегі, хлорлы сутегі сияқты заттардан шекті деңгейден асып кеткен. Оның ішінде күкіртсутек 641 жағдай, күкірт диоксиді 314 жағдай, көміртегі оксиді 310 жағдай, сутегі хлориді 120 жағдай, фенол 55 жағдай, фторлы сутегі 20 жағдай және азот оксиді 9 жағдай тіркелген, — делінген хабарламада.
Сондай-ақ Риддер қаласы мен Алтай, Шемонаиха, Глубокое ауылдарында да ауа ластануының жоғары деңгейі анықталып отыр.
Риддерде максималды-бір реттік концентрациялар күкірт диоксиді, көміртегі оксиді, азот диоксиді сияқты заттардан асып түскен. Максималды бір реттік ШРК асуының ең көп саны азот диоксиді 463 жағдай, көміртегі оксиді 252 жағдай және күкірт диоксиді 31 жағдай болған, — деді «Қазгидромет» өкілдері.
Облыс бойынша барлығы 29 күн ауа лас болған.
