Ақпан айында термометр бағаны төмендеп, Шығысқа аязды күндер қайта оралуы мүмкін. Бұл туралы “Қазгидромет” мәлім етті, деп хабарлайды F16.kz.
Синоптиктердің болжамына сүйенсек, айдың алғашқы онкүндігінде ауа температурасы –20…–25°С-қа дейін төмендейді.
Облыстың оңтүстігінде –25…–30°С, таулы аймақтарда –30…–33°С аяз болады.
Кейіннен күн жылынып, түнде –9°С, күндіз +1°С дейін жоғарылайды. Алайда онкүндіктің соңында қайта төмендейді.
Екінші онкүндікте ауа температурасы түнде –30…–24°С, күндіз –20…–12°С, ал облыстың оңтүстігінде түнде –15…–9°С, күндіз –5…–1°С болады, — делінген “Қазгидромет” хабарламасында.
Үшінші онкүндікте де күн райы жыды болады. Түнде –2°С, күндіз –2…+3°С шамасында болады.
Айлық жауын-шашын мөлшері нормадан жоғары болады деп болжанып отыр.
