Шығыс Қазақстан облысында жаңа туристік нысан – «Бұқтырма арена» кешені салынбақ. Бұл туралы Алтай ауданының әкімі Ренат Құрмамбаев әлеуметтік желіде жазды, деп хабарлайды F16.kz.
Аудан басшысы аталған инвестициялық жобаның алдын ала әзірленген эскиздік нұсқасымен танысты. Ал игі бастаманы жеке инвестор Александр Дериглазов көтерген.
Жоба өте жағымды әсер қалдырды. Ол сәтті жүзеге асқан жағдайда Алтай ауданының туристік саласының дамуына оң ықпал етеді. «Бұқтырма арена» туристік кешені спорттық-сауықтыру инфрақұрылымын қалыптастыруды, салтанатты іс-шаралар өткізуге арналған алаңдарды, балық аулауды ұйымдастыруды, қайық тұрағын, жол сервисі нысандарын, мейрамхана, қонақүй және басқа да ілеспе нысандарды қамтиды, — деп жазды аудан әкімі.
Сонымен қатар жоба аясында жол бойындағы сервис нысандары, мейрамхана, қонақүй және өзге де ілеспе қызмет көрсету нысандарын салу жоспарланып отыр.
Аудан әкімдігі аталған туристік кешен өңір экономикасын дамытуға, жаңа жұмыс орындарын ашуға және туристік қызмет сапасын арттыруға серпін беретінін мәлім деді.
