Бүгін, 10 ақпанда ауа райының қолайсыздығына байланысты еліміздің бірқатар өңірінде автокөлік жолдары жабылды. Шығыс Қазақстан облысы аумағындағы Қалбатау—Майқапшағай трассасында барлық көлік түрінің қозғалысына уақытша шектеу қойылды, деп хабарлайды F16.kz.
«ҚазАвтоЖол» ұлттық компаниясының мәліметінше, 2026 жылғы 10 ақпан сағат 06.40-да ауа райының нашарлауына байланысты республикалық маңызы бар Өскемен-Семей автожолының 12-103 км аралығында (Казачье ауылынан — Абай облысы шекарасына дейін) барлық көлік түрлерінің қозғалысына шектеу енгізілді. Жолды 10 ақпан сағат 15.00-де ашу жоспарланған.
Бүгін Ақмола, Солтүстік Қазақстан, Батыс Қазақстан, Шығыс Қазақстан, Атырау, Ақтөбе, Маңғыстау, Қызылорда, Ұлытау, Абай, Жетісу, Қарағанды, Павлодар және Қостанай облыстарының кей жерлерінде қарлы боран соғуы мүмкін. Соған байланысты жүргізушілер жылдамдық режимі мен қауіпсіз арақашықтықты қатаң сақтап, ауа райының қолайсыздығын ескергені абзал.
