Өрт шыққан үйден екі баланы алып шыққан Соловьево орта мектебінің мұғалімі Рулан Сеитов «Өртте көрсеткен қайсарлығы үшін» медалімен марапатталды, деп хабарлайды F16.kz.
Оқыс оқиға биыл 18 қаңтар күні болған. Алтай ауданы Соловьёво ауылының тұрғыны Рулан Сеитов көршісінің үйі түтіндеп жатқанын байқап, ойланбастан көмекке ұмтылған.
Түтін басқан үйге кіру мүмкін болмағандықтан Рулан Сеитов үйді айналып өтіп, сынған терезенің жанында тұрған екі баланы байқаған. Оларды терезе арқылы сыртқа шығарып, өз үйіне апарған, — делінген ШҚО ТЖД баспасөз қызметінің ақпаратында.
Қазақстан Республикасы Төтенше жағдайлар министрінің бұйрығымен, көрсеткен ерлігі үшін, ШҚО ТЖД бастығының міндетін атқарушы Фархат Әміре ауыл мұғаліміне «Өртте көрсеткен қайсарлығы үшін» медалін табыстады.
