Облыс орталығының оқушылары пневматикалық винтовкадан ату турнирінде бақ сынады, деп хабарлайды F16.kz.
Өскемен қаласының құрметті азаматы, интернационалист-жауынгер, подполковник Владимир Шаровтың еске алуға арналған дәстүрлі турнир биыл №24 орта мектеп базасында өтті.
Владимир Шаров — өз өмірін әскери қызметке арнаған, жас ұрпақты патриоттық рухта тәрбиелеуге зор үлес қосқан азамат. Оның батылдығы, кәсібилігі мен Отанға адалдығы бүгінгі жастарға үлгі. Осындай турнирлер жасөспірімдердің бойында елжандылықты қалыптастырып, тарихи тұлғаларға деген құрметті арттырады, — деді «Ауған соғысы ардагерлер ұйымы» қоғамдық бірлестігінің төрағасы, отставкадағы подполковник Олег Фролов.
Турнир аясында 27943 әскери бөлімінің әскери қызметшілері арнайы қару-жарақ көрмесін ұйымдастырды. Оқушыларға атыс қаруларының түрлерін таныстырып, олардың қолданылу ерекшеліктері мен техникалық сипаттамалары туралы кеңінен мәлімет берді.
Жарыс қорытындысы бойынша, «Сұңқар» әскери-патриоттық бірлестігі бас жүлдені, «Алаш» бірлесті екінші орынды еншіледі. Ал, үшінші орынға «Жігер» әскери-патриоттық бірлестігі тұрақтады.
