Қатонқарағай мемлекеттік ұлттық табиғи паркіне өртке қарсы жаңа техника табысталды, деп хабарлайды F16.kz.
Мемлекет басшысының тапсырмасына сәйкес, 2023 жылдан бастап өртке қарсы жабдықтарды жаңғырту бағдарламасы іске асырылып келеді. Бағдарламаның мақсаты – орман және табиғатты қорғау мекемелерінің материалдық-техникалық базасын толық жаңарту және өрт қауіпсіздігін күшейту.
Аталған бағдарлама аясында Қатонқарағай мемлекеттік ұлттық табиғи паркі республикалық мемлекеттік мекемесіне жаңа 9 бірлік орман өртін сөндіру техникасы табысталды, — делінген хабарламада.
Әрбір техника қозғалыс кезінде өрт сөндіруге мүмкіндік беретін қуатты өрт сорғысымен, сыйымдылығы 3 м³ суға арналған цистернамен, сондай-ақ өрт-техникалық жабдықтардың толық жиынтығымен, жеке қорғаныс және радиобайланыс құралдарымен жабдықталған.
