Наурызда футболдан Қазақстан премьер лигасының ойындары басталады. Алғашқы турда Өскеменнің «Алтай» командасы өз алаңында ел чемпионы «Қайратпен» шеберлік байқасады, деп хабарлайды F16.kz.
Қазақстан футбол федерациясы мен премьер-лига клубтарының өкілдері онлайн қатысқан жиында биылғы маусымның алғашқы үш турының ойындары белгілі болды. Командаларды жұптау кезінде жасанды интеллект қолданылды. Нәтижесінде КПЛ-дің жаңа командасы «Алтай» бірінші турда өз алаңында Қазақстан чемпионы алматылық «Қайратпен» ойнайды. Бұл күні Шығыстың бас қаласында ағылшындық «Челсидің» ойыншысы Дастан Сәтпаев бастаған кіл мықтылар өнер көрсетеді.
Екінші турда «Алтай» семейлік «Елімайға» қонаққа барса, үшінші турда Ақтаудың «Каспий» командасын қабылдайды.
