«Қазгидромет» ШҚ филиалының мәліметінше, 20 ақпанда облыста қолайсыз ауа райы сақталады. Кей жерлерде қар жауып, боран соғып, тұман түседі, деп хабарлайды F16.kz.
Өскеменде түнде қар жауып, боран соғып, көктайғақ болады. Солтүстік-батыстан соққан желдің екпіні түнде секундына 15-18 метрге дейін жетеді. Түнде сынап бағаны минус 15-17 градусқа дейін төмендейді.
ШҚО ТЖД мамандары тұрғындарға қолайсыз ауа райы кезінде елді мекеннен тыс жерлерге жолға шықпауды еске салады. Егер сапарды кейінге қалдыру мүмкін болмаса, жолға шыққанда жол қозғалысы ережелерін қатаң сақтауды ескертеді: жылдамдық режимін және арақашықтықты сақтау қажет. Сапарға шығар алдында жол жағдайын нақтылап алған абзал. Ол үшін тегін «Дармен» мобильді қосымшасын жүктеп, пайдаланса болады.
Жаяу адамдар жарақат алу қалмау үшін сақтық шараларын қаперде ұстағаны дұрыс. Қатты жел кезінде кәрі немесе жалғыз өсіп тұрған ағаштан аулақ жүріп, көлікті де ол маңға қоймаған жөн. Электр сымына және шайқалып тұрған заттарға жақындамау керек. Көмек керек босла құтқару қызметінің 112.бірыңғай нөміріне хабарласыңыз.
