Бүгін, 25 ақпанда ауа температурасының күрт төмендеуіне байланысты Шығыс Қазақстан облысының Өскемен, Риддер қалаларында, Күршім, Тарбағатай, Зайсан, Самар, Үлкен Нарын, Алтай, Ұлан аудандарында білім беру онлайн форматқа көшірілді.
Риддерде ауа температурасы -33 градусты көрсетіп тұр. Қаладағы барлық білім беру мекемесінің бірінші ауысымдағы 0-9-сынып оқушылары онлайн оқиды.
Өскеменде ауа температурасы -29 градусты көрсетіп тұр, 1м/с жел бар. Бірінші және екінші ауысымда оқитын 0-4-сынып оқушылары қашықтан білім алады.
Күршімде аяздың күші -34 градусқа дейін жетті. Аудан мектептерінде сабақ онлайн форматқа көшірілді.
Үлкен Нарын ауданында сынап бағанасы -39 градусты көрсетіп тұр. Бірінші ауысымда оқитын 0-9-сынып оқушылары қашықтан білім алады. Кейбір мектептерде 0-11-сынып оқушылары да сабақты үйден оқиды.
Марқакөл ауданында ауа температурасы -32 градусқа дейін төмендесе, Ұлан ауданында сынап бағанасы -36 градусты көрсетіп тұр.
