Өскеменде қала тұрғындары мен қонақтарына арнап Қазақстан Республикасының жаңа Конституциясын қолдауға бағытталған live-концерт өтеді. Ауқымды мәдени іс-шара қаладағы Maxi Mall сауда-ойын-сауық орталығында қоғамдық-мәдени акция форматында ұйымдастырылады, деп хабарлайды F16.kz.
Кештің мақсаты – конституциялық реформаларды қолдауға бағытталған бастамаларды кеңінен таныстыру және азаматтық белсенділікті арттыру. Іс-шараның басты қонақтары – қазақстандық эстрада жұлдыздары:
-
Sadraddin
-
Мирас Жүгінісов
Қазақ эстрадасының жұлдыздары көрермен қауымға жанды дауыста ән шырқап, ерекше шығармашылық атмосфера сыйлайды. Бағдарламада жанды музыка, мазмұнды концерттік бағдарлама, Конституциялық реформаларды қолдауға арналған арнайы шығармашылық нөмірлер.
Ұйымдастырушылардың айтуынша, бұл кеш тек концерт емес, ел болашағына бейжай қарамайтын азаматтардың басын қосатын маңызды алаң болмақ. Өскемендіктер мен қала қонақтары бір алаңда бас қосып, ел үшін маңызды бастамаларды бірге қолдауға мүмкіндік алады. Кіру – тегін. Өтетін күні: 28 ақпан, сағат 19.00-де. Maxi Mall сауда-ойын-сауық орталығында.
