Қаржы министрлігінің Мемлекеттік кірістер комитеті азаматтарға шұғыл ескерту жасады, деп хабарлайды F16.kz.
Комитеттің мәліметінше, кейінгі кезде тұрғындарға ведомство басшылығы атынан жалған, алаяқтық сипаттағы хабарламалар жиі келе бастаған.
ҚР ҚМ МКК қырағылық танытуға және жалған хабарламаларға сенбеуге, ақша қаражатын аудармауға, күмәнді сілтемелер бойынша өтпеуге, алынған хабарламалардың дұрыстығын тексеруге кеңес береді. Бұл хабарламаларды интернет алаяқтар WhatsApp, SMS, әлеуметтік желілердегі хабарламалар арқылы жібереді, – делінген комитеттің Telegram-арнасында жарияланған хабарламада.
Мемлекеттік кірістер комитеті азаматтарға тек ресми ақпарат көздеріне сену қажеттігін ескертті.
