Шығыс Қазақстан облысының әкімі Нұрымбет Сақтағанов күрделі жөндеуден өткен және қайта жаңғырту жұмыстары жүргізілген мамандандырылған медициналық орталықта болды, деп хабарлайды F16.kz порталы облыс әкімінің баспасөз қызметіне сілтеме жасап.
Мұнда инженерлік желілер, электрмен жабдықтау және желдету жүйесі жаңартылды. Урология бөлімі жөнделіп, емханаға заманауи медициналық құрал-жабдықтар алынды.
Негізгі мақсатымыз — пациенттер мен медициналық қызметкерлерге барынша жайлы жағдай жасау. Облыстың мамандандырылған медициналық орталығына өңіріміздің ғана емес, еліміздің әр түкпірінен науқастар келеді. Енді алдағы уақытта орталықтың жертөлесін қалыпқа келтіруіміз керек, — деді аймақ басшысы.
Нұрымбет Сақтағанов медицина мекемесінің ұжымымен кездесіп, жаңа Конституция жобасын талқылады. Оларға Ата заң жобасының қалай әзірленгенін, ондағы өзгерістер халықтың тұрмыс-тіршілігіне қалай оң әсер ететінін айтып берді. Жиналғандар да ой-пікірлерін ортаға салды.
