«Қазгидромет» ШҚ филиалының ақпараты бойынша, ертең өңірде тағы қар жауып, бұрқасын жел соғуы мүмкін, деп хабарлайды F16.kz.
Облыстың солтүстігінде, шығысында және оңтүстігінде қалың қар жауып, күндіз бұрқасын жел соғады.
Облыстың солтүстігінде, шығысында, оңтүстігінде екпіні 23-28 м/с жел соғады. Облыс орталығында түнде қар жауып, көктайғақ болады, — дейді синоптиктер.
ШҚО ТЖД қолайсыз ауа райы кезінде халықтан елді мекендерден тыс жерлерге сапарды кейінге қалдыруды сұрайды.
Жолға шығар алдында сүйрейтін арқан, жанармай қоры, күрек, қол шам, алғашқы медициналық көмек көрсету қобдишасы, жылы киім, азық-түлік, шамдарын алып шығу керектігін еске салады.
