Зайсан ауданының тұрғындары экологиялық тазалықты сақтау мақсатында өз бастамаларымен сенбілік өткізе бастады, деп хабарлайды F16.kz.
Кеңсай ауылдық округінің тұрғыны Толқын Мұратбай Мемлекет басшысы Қасым-Жомарт Тоқаевтың бастамасымен жүзеге асып жатқан «Таза Қазақстан» жалпыұлттық экологиялық акциясына белсенді түрде қатысып, 10 наурызда аудан аумағындағы елді мекен жолдарын қоқыстан тазартты. Еріктілер бұл бастаманы жаңа Конституцияны қолдау аясында ұйымдастырып отыр. Игі бастама алдағы уақытта Зайсан өңірімен ғана шектелмей, еліміздің өзге аймақтарында да жалғасын табуы мүмкін.
Тазалық жұмыстары барысында еріктілерге Кеңсай ауылының тұрғыны Сетерхан Қабдешқызы қолдау көрсетті. Ал Зайсан қаласының тұрғыны Бекбақыт Әділбек жекеменшік «ВАЗ» автокөлігімен адамдарды тасымалдауға көмектесті. Мәдениет үйінің өнерпаздары аудан тазалығы үшін еңбек етіп жатқан азаматтарға арнап ән салып, жұрт көңілін көтерді.
