Республикалық референдумға байланысты 15 наурызда Өскемен тұрғындары қоғамдық көліктерде тегін жүреді, деп хабарлайды F16.kz.
Бұл игі бастаманы жолаушылар тасымалымен айналысатын компаниялар өздері ұсынып отыр. Олардың айтуынша, бұл шешім алда өтетін маңызды саяси оқиғаны ескере отырып, сондай-ақ елде жүргізіліп жатқан реформаларды қолдау мақсатында қабылданған.
Тасымалдаушылардың пікірінше, аталған акция азаматтардың сайлау учаскелеріне барып, өз таңдауын жасауына қолайлы жағдай туғызады. Сонымен қатар ол қоғамдағы азаматтық белсенділіктің артуына ықпал етеді.
