Қазақстандағы қысқы спорттың отаны Риддер қаласында биатлоннан жасөспірімдер арасында ел чемпионаты өтті. Дүбірлі бәсекеге 2007–2008 жылдары және 2009–2010 жылдары туған ұл-қыздар қатысты, деп хабарлайды F16.kz.
Жарыс қорытындысы бойынша жүлделі орындарды келесі спортшылар иеленді:
2007–2008 жылғы ұлдар арасында:
Глеб Харлампов (Павлодар облысы) – бірінші орын.
Артём Шнайдер (Абай облысы) – екінші орын.
Михаил Беленков (Абай облысы) – үшінші орын.
2009–2010 жылғы ұлдар арасында:
Евгений Полторанин (ШҚО) – бірінші орын,
Кирилл Ручьев (Алматы облысы) – екінші орын,
Егор Немцев (ШҚО) – үшінші орын.
2007–2008 жылғы қыздар арасында:
Милена Машковская (ШҚО) – бірінші орын,
Полина Подгорнова (Ақмола облысы) – екінші орын,
Елена Саенко (СҚО) – үшінші орын.
2009–2010 жылғы қыздар арасында:
Дарья Девяткова (Абай облысы) – бірінші орын,
Ангелина Афанасьева (ШҚО) – екінші орын,
Ульяна Кованова (СҚО) – үшінші орын.
Айта кетейік, биатлоннан Қазақстан чемпионатына еліміздің 10 өңірінен жиыны 100-ге жуық спортшы қатысты. Ал Шығыс Қазақстан атынан 19 спортшы сынға түсіп, бірнеше сайыс түрінен жоғары нәтиже көрсетті. Жалпыкомандалық есепте Шығыс Қазақстан облысының биатлоншылары бірінші орынды жеңіп алды.
