Шығыс Қазақстан облысында айыппұл төлемеген жүргізушілерді анықтауға бағытталған рейд басталды, деп хабарлайды F16.kz.
Облыстық полиция департаментінің мәліметінше, «Борышкер» жедел алдын алу шарасы 26–28 наурыз аралығында өтеді. Осы күндері тәртіп сақшылары жүргізушілерді арнайы мобильді база арқылы тексеріп, мерзімі өткен айыппұлдарды анықтайды.
Құқық қорғау органы өкілдерінің айтуынша, қарызы бар азаматтарға қатысты тиісті шаралар қабылданып, айыппұлды өндіріп алу жұмысы жүргізіледі.
