Шығыс Қазақстан облысының ветеринария басқармасына қарасты коммуналдық кәсіпорындар кешенді алдын алу шараларын тұрақты жүргізеді. Бүгінге дейін өңірдегі ауыл шаруашылығы малына жұқпалы ауруларға қарсы толық екпе салынды, деп хабарлайды F16.kz.
Кешенді алдын алу шараларына екпе салу, зертханалық талдау үшін қан үлгілерін алу, сондай-ақ жұқпалы аурулардың таралуын болдырмауға бағытталған іс-шаралар кіреді.
Белгіленген жоспарға сәйкес, наурыз айының қорытындысы бойынша облыста малға вакцина салу шаралары 100 пайыз орындалған. Атап айтқанда, сіреспеге қарсы 330 414 бас ірі қара, 514 800 бас ұсақ мал, 9 300 бас шошқаға екпе жүргізілді. Сонымен қатар 10 мың итке қызылшаға қарсы вакцина салынды.
Биыл диагностикалық зерттеу жүргізу үшін 1,2 млн сынама алу жоспарланса, оның 97,6%-ы сарыпты (бруцеллез) анықтауға арналған. Бүгінге дейін сарыпқа қарсы 200 153 зерттеу жүргізілді. Бұл іс-шаралардың негізгі мақсаты – эпизоотиялық жағдайды тұрақты ұстау, аса қауіпті аурулардың таралуын болдырмау, малды сақтау және халықтың денсаулығын қорғау.
