Күдіктілер тыйым салынған суық қаруды интернет-дүкендер арқылы сатып алған. Бұл туралы Бас көлік прокуратурасы хабарлады.
Бас көлік прокуратурасы суық қарудың, оның ішінде кастеттердің заңсыз айналымына байланысты қылмыстардың (ҚР ҚК-нің 287-бабы) алдын алу бойынша кешенді шаралар жүргізуде.
Тергеу амалдары көрсеткендей, күдіктілер тыйым салынған заттарды интернет-дүкендер арқылы сатып алған.
ҚР Мәдениет және ақпарат министрлігінің Ақпарат комитетімен бірлесе отырып, «Satu.kz» маркетплейсінің суық қару жарнамасын орналастырғаны анықталып, ол ҚР ӘҚБтК-нің 455-бабы бойынша әкімшілік жауапкершілікке тартылды. Интернет-дүкендерге мұндай жарнаманы орналастырғаны үшін әкімшілік жауаптылық қарастырылған. Сондай-ақ тыйым салынған контентті бұғаттау шаралары қабылдануда, — делінген хабарламада.
Әуежайлар мен теміржол вокзалдарында қылмыстық жауапкершілік туралы плакаттар мен баннерлер ілініп, тыйым салынған заттарды өз еркімен тапсыруға арналған жәшіктер орнатылған.
Бас көлік прокуратурасы азаматтарға суық қаруды заңсыз иемдену, беру, өткізу, сақтау, тасымалдау немесе алып жүру қылмыстық жауапкершілікке, ал жарнама орналастыру әкімшілік жауаптылыққа әкеп соғатынын ескертеді. Суық қаруды (соның ішінде кастетті) өз еркімен тапсырған адам қылмыстық жауаптылықтан босатылады.
