Өңір экономикасын өрге сүйрейтін негізгі салалардың бірі – инвестиция тарту. Кейінгі жылдары Шығыс Қазақстан облысы да инвестициялар тарту бағытында айтарлықтай табыстарға қол жеткізіп, ірі жобаларды жүзеге асыруға басымдық беріп келеді, деп хабарлайды F16.kz.
Былтыр Шығыстың бас шаһарында ұйымастырылған «Altay Invest-2025» форумында жалпы сомасы 740 млрд теңге болатын 40-тан астам меморандумға қол қойылды. Өңірдің әлеуетіне қызғушылық танытқан инвесторлар қатарында алыс-жақын шетелден келгендер де бар.
Инвестицияның басым бөлігі энергетика, агроөнеркәсіп кешені, туризм және көлік инфрақұрылымы салаларына бағытталмақ. Тек су электр энергиясын дамытуға ғана 300 млрд теңгеден астам инвестиция тартылмақ. Нәтижесінде өңірде бірнеше ірі су электр станциясы салынады. Оның ішінде қуаты 200 МВт, құны 200 млрд теңге болатын Үбі өзеніндегі шағын СЭС пен 87 млрд теңгеге бағаланған Шемонаиха ауданында (Үлбі өзені) жүзеге асырылатын жоба бар.
Бүгінде ауыл шаруашылығы саласы мен өнеркәсіп бағыты тұрақты дамып келе жатқан Шемонаиха ауданында қазір үш каскадты шағын гидроэлектр станциясын салу бойынша инвестициялық жоба әзірленіп жатыр.
Жобаның жалпы құны 200 миллион АҚШ долларынан асады. Соңғы үш жыл ішінде ауданның агроөнеркәсіп кешенінде екі тауарлы-сүт ферма іске қосылды. Биыл тағы бір үлкен жобаны қолға алып отырмыз. «Ертіс» әлеуметтік-кәсіпкерлік корпорациясымен біргіп 1000 бас ірі қараға арналған тағы бір ферма салынады. Бұл жобалар ауыл шаруашылығының әлеуетін арттырып, өңірдің азық-түлік қауіпсіздігін қамтамасыз етуге үлес қосады, — деп атап өтті аудан әкімі Дидар Кеңесбаев.
Ауданның жұмыспен қамту бағытында да оң өзгерістер бар. Жоспарға сәйкес, жыл сайын 100-ден астам уақытша және 50-60 тұрақты жұмыс орны ашылып отыр.
Аудандағы кадр тапшылығын шешу үшін еліміздің өзге өңірлерінен, әсіресе оңтүстік облыстардан мамандар шақырдық. Биыл сәуір айының 15-20 аралығында Түркістан облысына барып, тағы қажетті мамандар тартуды жоспарланып отырмыз, — деп атап өтті аудан әкімі.
Айта кетейік, қазір Жалпыұлттық инвестициялық пулда құны 106 млрд теңгеден асатын 62 жоба бар. Оның 18-і пайдалануға берілген.
Бүгінгі күні өнеркәсіп саласында 15 жоба (632,6 млрд теңге), агросалада 11 жоба (36,7 млрд теңге) және шетелдік капитал салынған 44 жоба жүзеге асырылып жатыр.
Бұған дейін ШҚО туризм басқармасының басшысы Ержан Сембинов биыл өңірге шамамен 70 инвестициялық жобаны тарту жоспарланып отырғанын айтқан.
