2026 жылдың алғашқы тоқсаны ақпараттық қауіпсіздік саласында жаңа үрдістердің қалыптасқанын көрсетті. Сарапшылардың мәліметінше, кибер және ақпараттық шабуылдар бұрынғыдан да күрделеніп, технологиялық тұрғыдан жетілдірілген.
Есеп қорытындысына сәйкес, негізгі нысанаға мемлекеттік органдар, әсіресе Ішкі істер министрлігі (ІІМ) мен Еңбек және халықты әлеуметтік қорғау министрлігі (ЕХӘҚМ) ілінген. Мамандар анонимді арналар арқылы ұйымдастырылатын шабуылдардың айтарлықтай жиілегенін атап өтеді.
Наурыз айында қауіпсіздікке қатысты жалған ақпараттың күрт өсуі ерекше назар аудартады. Сарапшылар мұны қоғамдағы сенімге әсер етуге бағытталған жүйелі әрекеттермен байланыстырады. Сонымен қатар алаяқтардың мемлекеттік ресурстарға ұқсас жалған платформалар жасап, азаматтарды адастыру тәсілдерін белсенді қолдана бастағаны белгілі болды.
Ақпараттық шабуылдардың географиясы, олардың таралу арналары және аудиторияның осал тұстары бойынша жүргізілген кешенді талдау, сондай-ақ толық статистика мен сараптамалық мәліметтер жаңа бюллетеньде жарияланған.
