Облыс орталығында жылу беру маусымы 22 сәуірде аяқталады. Бұл туралы «Шығыс Жылу» АҚ мәлім етті, деп хабарлайды F16.kz.
Күн жылынып, ауа райының тұрақты болуына байланысты жылыту маусымы аяқталады. Десе де, балабақшалар, мектептер, ауруханалар мен өзге де нысандарға гидравликалық параметрлері төмендетілген жылыту жүйелерін пайдалануға рұқсат етіледі.
Өтініш бойынша «Өскемен ЖЭО» ЖШС, «Согра ЖЭО» ЖШС (Жаңа Согра кенті), Геологическая көшесі, 1/9 бойынша № 3 қазандық жылу көздерінен қосылған тұтынушыларға төмендетілген гидравликалық параметрлерде жылыту жүйелерін пайдалануға рұқсат етіледі, — делінген хабарламада.
Ұзартуға өтініштер заңды тұлғалардан, көппәтерлі тұрғын үй және жеке сектор тұтынушыларынан Горький көшесі, 61, дербес қызмет көрсету орталығы мекенжайы бойынша қабылданады. Өтініште тұтынушы міндетті түрде қосымша «Төмендетілген гидравликалық параметрлердегі жылу беру жүйесінің жұмысына келісемін» деп жазуы керек. Заңды тұлғалар коммуналдық қызметтер орталығы арқылы да өтініш бере алады.
