25 қазан күні Шығыс Қазақстан облысында ауқымды облыстық сенбілік өтеді. Бұл туралы өңір басшысы Нұрымбет Сақтағановтың төрағалығымен өткен кеңес барысында белгілі болды, деп хабарлайды F16.kz.
“Таза Қазақстан” экологиялық акциясының жүзеге асырылу барысын талқылаған жиынға бизнес, қоғам және мемлекеттік органдардың өкілдері қатысты.
Айта кетейік, былтыр “Таза Қазақстан” акциясына шамамен 150 мың адам қатысқан. 1,5 мың гектардан астам аумақ тазартылып, 3 800 тоннаға жуық қоқыс шығарылды.
Биылдың өзінде аталған бастамаға 32 мыңнан астам адам атсалысты. Олар 1100 гектар жерді тазалап, 750 тоннадан астам қоқыс шығарды.
Өңірде 2024 жылдан бері шамамен 250 мың көшет отырғызылған. Былтыр табиғат жанашырлары 138 мыңнан астам ағаш екті. Биыл тағы 111 мың көшет отырғызу жоспарланып отыр.
25 сәуірде ауқымды облыстық сенбілік өтеді. Іс-шараға 100 мыңға жуық адам және 326 кәсіпорын қатыспақ.
Өңірде 11 мыңнан астам ағаш отырғызылып, 1 190 гектар аумақ, 129 өзен мен бұлақ тазартылатын болады.
Шығыс Қазақстан – біздің ортақ үйіміз. “Таза Қазақстан” бір реттік акция емес, күнделікті дағдыға айналуға тиіс, – деп атап өтті облыс әкімі Нұрымбет Сақтағанов.
Сондай-ақ аймақ басшысы қала және аудан әкімдеріне барлық ауланы, соның ішінде саяжай алқаптарын тұрғындармен бірлесе отырып тазартуды тапсырды.
