Ертең, 28 сәуірде Өскемендегі Арбатта Amanat партиясының бастамасымен азаматтарды қабылдау шарасы өтеді. Іс-шара «Құқықтық көмек» партиялық жобасы аясында ұйымдастырылып отыр.
Шара барысында тұрғындарға адвокат, нотариус, медиатор, сот орындаушылары, сондай-ақ «Қарызсыз қоғам» жобасының мамандары тегін заңгерлік және қаржылық кеңес береді. Қабылдау кезінде қала тұрғындары өздерін толғандырған мәселелер бойынша кәсіби маманның кеңесін ала алады.
Ұйымдастырушылардың айтуынша, бұл бастама халықтың құқықтық сауаттылығын арттыруға, әлеуметтік және қаржылық сипаттағы өзекті мәселелерді шешуге, сондай-ақ азаматтарға нақты қолдау көрсетуге бағытталған.
Қабылдау 28 сәуірде сағат 11.00-де басталады. Өтетін орны – Өскемен қаласы, Арбат.
Қосымша ақпарат алу үшін байланыс телефоны: 8 (705) 807-52-50.
