Сібенің үшінші көлі — Шалқарда демалушылар саны жыл сайын артып келеді. Сондықтан биыл жағажайды жаңғырту, аумақты кешенді абаттандыру және инфрақұрылымды кеңейту жоспарланып отыр, деп хабарлайды F16.kz.
Ұлан ауданының әкімі Арман Бекбосынов мердігер ұйыммен жұмыс кездесуін өткізіп, алдағы жұмыстардың негізгі бағыттары мен іске асыру мерзімдерін талқылады.
Жазғы туристік маусымда Шалқар көліндегі муниципалды жағажайға келушілер саны артады. Биыл жағажай аумағын кеңейту, қосымша жағажай орындықтарын, қолшатырлар мен самалжай орнату, қайықтар мен өзге де жүзу құралдарына арналған тұрақ орындарын ұйымдастыру, қосымша құтқару мұнаралары мен медицина қызметкерлеріне арналған модуль орналастыру көзделіп отыр, — деді аудан әкімі.
Аталған жобаны жүзеге асыру Шалқар жағажайында демалушылар үшін қолайлы әрі қауіпсіз жағдай жасауға мүмкіндік береді.
