Ел Президенті Қасым-Жомарт Тоқаев Жеңістің 81 жылдығына орай Мәскеудегі Қызыл алаңда өткен әскери шеруге қатысты, деп хабарлайды Ақорда.
Салтанатты іс-шара барысында Мемлекет басшысы әскери парадты тамашалап, Екінші дүниежүзілік соғыста қаза тапқан жауынгерлердің рухына тағзым етті.
Сондай-ақ Қазақстан Президенті Белгісіз жауынгер бейітіне гүл шоқтарын қою рәсіміне қатысты.
Жеңіс күніне арналған ресми шараларға Қасым-Жомарт Тоқаевпен бірге Владимир Путин, Шавкат Мирзиёев, Александр Лукашенко, Сұлтан Ибрагим, Тхонглун Сисулит және өзге де шетелдік ресми тұлғалар қатысты.
Ұлы Жеңіс күніне арналған әскери шеру барысында әскери техникалар мен қарулы күштердің салтанатты саптық шеруі көрсетіліп, соғыс ардагерлерінің ерлігіне құрмет білдірілді.
