Шығыс Қазақстан облысы аумағында шомылуға рұқсат етілген 23 жағажай бар. Төтенше жағдайлар департаменті мен жедел атқарушы орган өкілдерінен құралған комиссия қазір су айдындарының түбін тексеріп жатыр, деп хабарлайды F16.kz.
Сәуірде «Жазғы кезеңде су айдындарында халықтың қауіпсіздігін қамтамасыз ету және дайындық бойынша іс-шаралар жоспары» бекітілді. Су айдындарында жаппай демалуға, туризм мен спортқа арналған ресми 23 орын бекітілді. Арнайы демалыс орындары Өскемен, Риддер қалаларында, сондай-ақ Алтай, Зайсан, Тарбағатай, Глубокое, Үлкен Нарын, Күршім, Шемонаиха, Самар, Ұлан және Марқакөл аудандарында орналасқан, — деп атап өтті ШҚО ТЖД төтенше жағдайларды жою басқармасының бастығы Эльдар Шаймарданов.
Бүгінде облыстық төтенше жағдайлар департаментіне су айдындарының түбін тексеру үшін сүңгуірлік жұмыстар жүргізуге 16 өтінім түскен.
Облыс акваторияларындағы қауіпсіздікті қамтамасыз ету мақсатында ТЖД-нің бес құтқару бөлімшесі жұмыс істейді. Рейдтік іс-шараларға полиция қызметкерлері, жергілікті атқарушы органдар, еріктілер және Өскемен қаласындағы 68303 әскери бөлімінің екінші құтқару батальоны мен Алтай және Самар аудандарындағы кү тартылады, — деді департамент өкілі.
Құтқарушылардың айтуынша, профилактикалық жұмыстар аясында жергілікті атқарушы органдармен, полиция департаментімен, Ұлттық ұланмен және еріктілермен бірлесіп рей, теледидар мен радиода түсіндіру жұмыстары жүргізіліп жатыр.
