Катонқарағай ауданында 10–12 шілде аралығында өтетін халықаралық «Алтай – түркі әлемінің алтын бесігі» фестиваліне байланысты Бұқтырма су қоймасындағы паром өткелі күшейтілген жұмыс режиміне көшеді, деп хабарлайды F16.kz сайты.
Фестиваль күндері өңірге келетін қонақтар мен туристер санының артуына байланысты Васильев паром өткелінде қатынайтын «Одесса» теплоходының жұмыс кестесіне уақытша өзгерістер енгізілді.
8–12 шілде аралығында кешкі уақытта қосымша рейстер ұйымдастырылып, қатынас уақыты ұзартылды. Осы кезеңде соңғы рейс Үлкен Нарын ауданынан сағат 23:00-де, ал Самар ауданынан сағат 00:00-де қатынайды.
Қалған уақытта паром күнделікті бекітілген кесте бойынша жұмысын жалғастырады.
Үлкен Нарын ауданынан: 07:00, 09:00, 11:00, 13:00, 15:00, 17:00, 19:00, 21:00.
Самар ауданынан: 08:00, 10:00, 12:00, 14:00, 16:00, 18:00, 20:00, 22:00.
Күшейтілген жұмыс тәртібі жолаушылар легін кедергісіз өткізіп, халықаралық іс-шара кезінде көлік қатынасының тұрақты жұмысын қамтамасыз етуге бағытталған.
