«Әділет» партиясының Шығыс Қазақстан облыстық сайлауалды штабы Өскемендегі «VITA Мир» ЖШС ұжымымен кездесті. Кездесуде партияның сайлауалды бағдарламасының негізгі бағыттары таныстырылды. Жиын адами капиталды дамыту, мәдениет пен креативті индустрияны қолдау мәселелеріне арналды. Штаб мүшелері тұрғындардың өз әлеуетін жүзеге асыруына жағдай жасау маңызды бағыттардың бірі екенін айтты. Кездесу ашық диалог форматында өтті. Бұдан бөлек, Шемонаиха ауданында партия белсенділері Марьин Утес жартасына Мемлекеттік Туды көтеріп, патриоттық акция ұйымдастырды.
Жалпыұлттық социал-демократиялық партиясының өкілдері тұрғындарға үгіт-насихат материалдарын таратты. Партияның сайлауалды бағдарламасының негізгі бағыттары таныстырылды. Азаматтарға алдағы сайлау туралы ақпарат берілді. Тұрғындармен пікір алмасу өтті.
«Байтақ» жасылдар партиясының өкілдері «Есіктен есікке» акциясын Күленов кентінде өткізді. Партия мүшелері «Мархабат.KZ» мүгедектігі бар адамдар қоғамдық бірлестігі мен «Мархабат» балабақшасының ұжымымен кездесті. Кездесуде партияның сайлауалды бағдарламасы таныстырылды. Қатысушылармен пікір алмасу өтті. Бұдан бөлек, «Березовая роща» аумағында экологиялық тазалық акциясы ұйымдастырылды. Шара барысында аумақ қоқыстан тазартылды.
Қазақстан Халық партиясының өкілдері Өскемендегі қоғамдық көлік тасымалын ұйымдастыратын мекеменің ұжымымен кездесті. Кездесуде аталған саладағы өзекті мәселелер көтерілді. Жүргізушілердің жалақысы, кадр тапшылығы және еңбек қауіпсіздігі талқыланды. Партия еңбек адамдарының құқықтарын қорғауға бағытталған бастамаларын таныстырды. Лайықты еңбекақы мен қауіпсіз еңбек жағдайын қамтамасыз етуге қатысты ұсыныстар айтылды.
«Ауыл» партиясының өкілдері мүмкіндігі шектеулі жандармен және инклюзивті ұйымдардың өкілдерімен кездесу өткізді. Жиында ерекше қажеттілігі бар азаматтарды қолдау мәселелері талқыланды. Қатысушылар партияның сайлауалды бағдарламасымен танысты. Тараптар пікір алмасты.
«Ақ жол» партиясының өкілдері Шемонаиха теміржол станциясының қызметкерлерімен және Сугатовка ауылындағы «Заря» шаруа қожалығының, «Арнау» сауда үйінің ұжымымен кездесті. Кездесуде партияның сайлауалды бағдарламасы таныстырылды. Қатысушылардың сұрақтарына жауап берілді. Бұдан бөлек, қоғамдық орындарда үгіт материалдары таратылып, ақпараттық парақшалар орналастырылды.
«Respublica» партиясының облыстық сайлауалды штабының мүшелері облыс орталығындағы «Ақсай-Нан-Өскемен» ЖШС ұжымымен кездесті. Кездесуде партияның сайлауалды бағдарламасының негізгі бағыттары таныстырылды. Қатысушылармен пікір алмасу өтті. Бұдан бөлек, «Start» сауда орталығында кәсіпкерлердің қатысуымен диалог алаңы ұйымдастырылды. Жиында бизнес саласын қолдау және өңір экономикасын дамыту мәселелері талқыланды.
