Шығыс Қазақстан облысында қыркүйек айындағы ауа температурасы шамамен +7…+15°С аралығында болады. Сондай-ақ облыстың басым бөлігінде жауын-шашын мөлшері нормадан жоғары болады деп болжанып отыр, деп хабарлайды F16.kz.
Синоптиктердің болжамына сүйенсек,
айдың басында күн салқындауы мүмкін. Күндізгі ауа температурасы +24…+29°С-тан +11…+16°С-қа дейін, түнде +1…+6°С-қа дейін төмендейді. Облыстың батысы мен солтүстік-шығысында ауа температурасы -1°С-қа дейін төмендеп, үсік жүруі мүмкін.
Кейін күн қайта жылынады. Алайда онкүндіктің соңына қарай температура тағы да төмендейді деп болжанып отыр.
Екінші онкүндікте де ауа райы құбылмалы болады.
Түнде ауа температурасы +1…+6°С-тан +10…+15°С-қа дейін, күндіз +10…+15°С-тан +20…+25°С-қа дейін көтеріледі.
Алайда, онкүндіктің соңында ауа райы күрт қайта салқындайды.
Айдың соңында ауа температурасы біртіндеп жылынады.
Ай ішінде жауын-шашын мөлшері ШҚО-ның басым бөлігінде нормадан жоғары болады. Ай соңында таулы аудандарда жаңбырдың соңы қарға ұласуы мүмкін, — дейді синоптиктер.
Сонымен қатар бірінші онкүндіктің ортасында және үшінші онкүндікте бұршақ жаууы ықтимал.
