Бұл жөнінде Шығыс Қазақстан облысының экология департаменті мәлімдеді, деп хабарлайды F16.kz.
Ведомство басшысы Әсет Сүлейменовтің айтуынша, шығарындылардың рұқсат етілген шекті нормалары, яғни экологиялық төлқұжат төрт жыл сайын жаңартылуға тиіс. Алайда кейінгі жылдары Өскеменде бұл құжат жасалмаған.
«Бұл біздің қаламыз үшін өзекті құжат. Қала қарыштап өсіп, даму үстінде. Жаңа кәсіпорындар, үйлер бой көтеріп, көліктер саны артып барады. Құжатта әрбір кәсіпорын мен көлік құралдарының ауаның ластануына әсер ететін залалы талданады. Жергілікті атқарушы орган құжатты төрт жыл сайын әзірлеуге міндетті. Облыс прокуратурасының нұсқауы бойынша қала әкімдігі бұл мәселемен айналысып жатыр», — деді экология департаментінің басшысы.
