Австрияның Хинтертукс мұздығында өткен FIS Open халықаралық турнирінде шығысқазақстандық спортшы Анастасия Городко алтыннан алқа тақты, деп хабарлайды F16.kz.
Фристайл-могул жарысында Анастасия Городко 74,04 ұпай жинап, жеңіс тұғырына көтерілді. Екінші орынды жапондық спортшы Мио Тани 71,41 ұпаймен иеленді. Ал 70,66 ұпай жинаған Жапонияның тағы бір өкілі Марин Ито үздік үштікті түйіндеді.
Әйелдер арасындағы жарыста Юлия Феклистова мен Юлия Мокина да Қазақстан атынан сынға түскен еді. Феклистова 52,55 ұпаймен 13-ші орынға ие болды, ал Мокина 25,63 ұпаймен 22-ші орынға тоқтады.
Ерлер арасындағы жарыста 72,34 ұпай жинаған отандасымыз Павел Колмаков сегізінші орыннан көрінді. Федор Бугаков оныншы болды, оның еншісінде 66,49 ұпай. Максим Емьянов 11-ші орында – 65,69 ұпай, ал Семен Русаков 13-ші орында – 62,60 ұпай.
Даниил Коротков 20-шы, Ильнар Ибрагимов 21-ші, Алексей Дегтярев 24-ші, Дмитрий Пятков 43-ші сатыда.
Ерлер арасында жүлделді үш орынды да жопандық спортшылар еншіледі: Такето Нишизава, Иккей Фуджимура және Рема Хаяши сынды саңлақтар жеңіс тұғырына көтерілді.
