Өскеменде «Борышкер» деген жедел-профилактикалық шара жүріп жатыр. Полиция қызметкерлері жүргізушілердің төленбеген әкімшілік айыппұлы бар-жоғын тексереді, деп хабарлайды F16.kz.
Профилактикалық шараны Бас прокуратураның Құқықтық статистика және арнайы есепке алу жөніндегі комитетінің Шығыс Қазақстан облысындағы департаменті үйлестіреді.
«Негізгі міндет – айыппұлдардың бар-жоғын анықтау және төленбеген айыппұлдарды өндіріп алуды қамтамасыз ету» — делінген хабарламада.
Жүргізушілердің уақтылы төленбеген айыппұлы болған жағдайда материалдар сот орындаушыларына мәжбүрлеп өндіруге беріледі. Онымен қоса борышкердің көлігі айып тұрағына қойылады.
Айта кетейік, профилактикалық шара кеше, яғни 10 қарашада басталды. Енді 12 қарашаға дейін жалғасады.
