Австриядан келген туристер Үлкен Нарын ауданында көкпарды тамашалады

Австриядан келген туристер Наурызнаманың Ынтымақ күніне орай, Үлкен Нарын ауданында өтіп жатқан Ұлттық ат спорты Көкпар жарысының қонағы болды.

Наурыз мерекесі аясында Ынтымақ күні – екі ел арасындағы мәдени байланысты нығайту және туристік саладағы ынтымақтастықты дамытуға қосқан маңызды қадам болды. Австриядан келген туристер бұл шараға қатысып, Көкпар жарысынан алған әсерлерімен бөлісіп, жергілікті тұрғындардың қонақжайлығына таңқалғандарын айтты. Орталық Азияны аралап жүрген туристер Қазақстанның әсем табиғатына, мәдениетіне қатты қызыққандарын айтты. Осы орайда Үлкен Нарын ауданында өтіп жатқан ұлттық ат спорты Көкпарды тамашалады.

Туристер Ұлттық ат спорты Көкпар жарысының қадірлі қонақтары болып, ауданның бай мәдениеті мен табиғатымен танысты. Бұл сапар австриялық қонақтар үшін ұмытылмас әсер қалдырғаны анық. Олар Қазақстанның ұлттық спорт түрі Көкпарды тамашалап, ат спортының қызықты тартысынан ләззат алды.

Сонымен қатар, туристер Наурыз мерекесінің мәдени атмосферасын сезініп, ұлттық тағамдардан дәм татып, өзара достық қарым-қатынасты нығайтты. Австриялық туристер Қазақстан халқын Наурыз мерекесімен құттықтап, өздерінің алғыстарын білдірді.

Австриядан келген туристер бұл сапардың өздерінің көкжиектерін кеңейтіп, Қазақстанның қонақжайлылығын терең түсінуге мүмкіндік бергенін атап өтті.

Фото: ШҚО ішкі саясат басқармасы