Жыл басынан бері Шығыс Қазақстан облысында екі елдің азаматтығын қатар алған 16 адам анықталды және олардың екеуі елден шығарылды, деп хабарлайды F16.kz.
Облыстық полиция департаментінің баспасөз қызметі таратқан ақпаратқа сүйенсек, 2021 жылы өңір тұрғыны көрші елдің азаматтығын алған, бірақ ол бұл туралы Қазақстанның көші-қон қызметіне белгілінген уақытта хабар бермеген. Тұрғынның айтуынша, ол құжаттарды тапсыру қажеттігі туралы білмеген және отбасындағы жағдайларға байланысты Қазақстанға уақтылы келе алмаған. Нәтижесінде сот оны елден шығарып жіберу туралы шешім шығарды.
Естеріңізге сала кетейік, биылғы наурыздан бастап елімізде азаматтығын жоғалтқан адамдарға Қазақстан Республикасының құжаттарын пайдаланғаны үшін жауапкершілікті күшейтетін заңнамалық өзгерістер күшіне енді. Енді мұндай заңбұзушылық үшін айыппұл 100 АЕК-тен 200 АЕК-ке дейін өсті.
ШҚО полиция департаменті Қазақстан заңнамасына сәйкес, басқа елдің төлқұжатын алған азаматтар бұл туралы 30 күн ішінде көші-қон қызметін хабардар етуге және олардың бұрынғы азаматтығын куәландыратын құжаттарды тапсыруға міндетті екенін еске салады. Бұл талапты бұзғаны үшін әкімшілік жауапкершілік қарастырылған.
Фото: F16.kz
