Ел ішіндегі есірткі сақтау және тарату фактілері туралы хабар берген азаматтарға сыйақы төленеді.
Бұл алдымен, Шығыс Қазақстан облысында “STOP наркотик!” пилоттық жоба ретінде іске қосылған.
ҚР Бас прокуратурасы бұл қаржы бюджеттен бөлінбейтінін, нашақорлыққа қарсы, қоғамдағы мәселелерге бей-жай қарамайтын кәсіпкерлер төлейтінін атап өтті.
— Мәселен, қаңтар айында 60 грамм мефедронның алынуына ықпал еткен ақпарат үшін 300 мың теңге төленсе, 80 грамнан астам синтетикалық заттарды ұстауға көмектескен дерек үшін 400 мыңнан астам теңге берілді. Сыйақы мөлшері тәркіленген есірткі көлеміне байланысты болады. Жоба нақты нәтижесін бере бастады. Барлық өңірлерді осы бастаманы қолдауға шақырамыз, — делінген ҚР Бас прокуратурасының мәлімдемесінде.
