Төтенше жағдайлар министрі генерал-майор Шыңғыс Әрінов ШҚО-ға жұмыс сапары аясында Шемонаиха ауданының Усть-Таловка ауылдық әкімдігінің иелігіндегі өрт сөндіру бекетіне барды, деп хабарлайды F16.kz тілшісі.
«Ауыл құтқарушылары» бағдарламасы аясында Шемонаиха ауданының әкіміне жаңа өрт сөндіру көлігінің кілті табысталды.
«Ауыл құтқарушылары» — бұл шалғайдағы және жету қиын елді мекендердегі өрт сөндіру бекеттерін дамытуды қамтитын біздің басым жобамыз. Біз бөлімшелерді техникамен, жабдықтармен қамтамасыз ете отырып, өртке қарсы инфрақұрылымды жүйелі түрде күшейтеміз және әрбір тұрғын, тұрғылықты жеріне қарамастан, қорғалуы үшін кадрларды оқытамыз. Болашақта біз посттарды байланыс құралдарымен жабдықтаймыз, — деп атап өтті Шыңғыс Әрінов.
Министр бөлімшенің жағдайымен танысып, техника мен жабдықтарды қарап, жеке құраммен кездесу өткізді.
Жұмыс сапарының қорытындысы бойынша ведомство басшысы «Ауыл құтқарушылары» бағдарламасын одан әрі кеңейтуге, табиғи өрттердің алдын алуға және халықтың қауіпсіздігін арттыруға бағытталған бірқатар тапсырма берді.
