Біржан ауылдық округіне қарасты Шұбарағаш учаскесінде қамыс пен құрғақ шөп өртеніп жатыр, деп хабарлайды F16.kz тілшісі.
Тілсіз жауды ауыздықтау жұмыстарына жалпы 85 адам, 15 техника жұмылдырылған.
Жану ошағы жету қиын ашық батпақты жерде орналасқан. Сондай-ақ өртті ауыздықтауға екпіні 19-20 м/с жететін жел кедергі келтіріп отыр. Өрт сөндірушілер мен орманшылар соған қарамастан қызыл жалынмен күресу үстінде. Қосымша күш ретінде 20 адам, су таситын көлік, соқасы бар трактор және жүк тиегіш жіберілді, — деді ШҚО ТЖД баспасөз қызметі.
Оқиға орнында Ми-8 тікұшағы жұмыс істеп жатыр, бортында 11 құтқарушы бар. Барлық қажетті құтқару жабдықтары тиелген. Сондай-ақ тікұшақты жанармаймен қамтамасыз ету үшін жанармай таситын көлік те жолға шықты.
