ШҚО-да жылыту маусымы 20 сәуірде аяқталды. Құтқарушылар бүгін өңірдегі жылыту маусымын қортындылады, деп хабарлайды F16.kz тілшісі.
ШҚО ТЖД мамандарының айтуынша, тұрғын үй секторындағы өрт 12%-ға артып, 351 өрт оқиғасы болған. Ал жеке тұрғын үйлер мен пәтерлерден шыққан өрт саны айтарлықтай азайған.
Өрт оқиғасының көбеюі моншалар мен аулаларда байқалады. Оқыс оқиғадан көз жұмған адамдар саны 7%-ға азайды. Себептеріне тоқталсақ, өртті абайсызда қолданудан 6 адам, пеш жабдықтарын орнату және пайдалану кезінде өрт қауіпсіздігі талаптарын сақтамау салдарынан 3 адам қайтыс болды, — деді ШҚО ТЖД мемлекеттік өрт бақылау басқармасы басшысының орынбасары Болат Тоқтарғалиев.
Айта кету керек, өңір құтқарушылары биыл халықтың әлеуметтік осал топтарына жататын азаматтарды ерекше бақылауға алды. ШҚО ТЖД мен жергілікті атқарушы органдардың қызметкерлері екі рет профилактикалық тексеру жүргізіп, үйлердің 36%-ы өрт қауіпсіздігі талаптарын бұзғанын анықтаған. жазатайым жағдайлардың алдын алу үшін 862 датчик орнатылды.
Фото: F16.kz
