Шығыс Қазақстан облысында кейінгі үш айда 250-ден аса адам алаяқтарға алданған. Олардың жалпы шығыны 400 миллион теңге көлемінде, деп хабарлайды F16.kz тілшісі.
Тергеу барысында зардап шеккендердің 90 пайызы интернет арқылы арбаған алаяқтардың құрбаны болғаны анықталған.
Өңірде банк карталары мен жеке деректерді беру — яғни заңсыз дропперлік қызмет те өзекті мәселеге айналған.
Жыл басынан бері облыста 6 мыңнан астам «дроп-карта» әшкереленген. Бұл карталар арқылы 24 миллиард теңгеге жуық қаржы айналымы тіркелген. Анықталған барлық дерек сараланып, әкімшілік және қылмыстық істер қозғалды. Қазіргі уақытта тергеу амалдары жүріп жатыр, – деп жазды qazaqstan.tv.
Фото: F16.kz/жасанды интеллект
