Бүгін Катонқарағай төрінде «Алтай – түркі әлемінің алтын бесігі» халықаралық фестивалі шымылдығын түрді. Айтулы шара көрнекті қаламгер, публицист және қоғам қайраткері Дидахмет Әшімханұлының шығармашылығына арналған «Ұлттық рух жыршысы» атты республикалық ғылыми-тәжірибелік конференциясымен басталды, деп хабарлайды F16.kz.
Іс-шараға еліміздің түкпір-түкпірінен келген белгілі ғалымдар, жазушылар, қоғам қайраткерлері мен жас зерттеушілер қатысты.
Конференция театрландырылған қойылыммен ашылған. Облыстық драма және оперетта театрының ұжымы жиналған жұртшылыққа қаламгердің өмірі мен шығармашылығын көркем образдар арқылы жақынырақ таныстырды.
Шара барысында жазушының шығармашылығы, әдеби мұрасы жан-жақты талданып, баяндамалар мен ой-толғаулар ұсынылды.
Айта кетейік, Дидахмет Әшімханұлының шығармалары өзбек, қырғыз, қытай, моңғол, орыс, украин, мари тілдеріне аударылған.
