Катонқарағай ауданында «Алтай – алтын бесігім» атты халықаралық айтыс өз мәресіне жетті, деп хабарлайды F16.kz.
Халықаралық жыр бәйгесі Шығыс Қазақстан облысы әкімдігінің қолдауымен ұйымдастырылған «Алтай – түркі әлемінің алтын бесігі» халықаралық ауқымды фестивалі аясында өткізіліп отыр.
«Алтай – алтын бесігім» ақындар айтысына еліміздің ғана емес, көршілес мемлекеттердің де үздік ақындары ат терлетіп арнайы келген.
Ақындарға елге белгілі, айтыс өнерінің ардагерлері қазылық етті.
Халықаралық байқау нәтижесінде бас бәйге көрерменнің де, қазылардың да ыстық ықыласына ие болған танымал ақын Дидар Қамиевке табысталды. Бірінші орынды Абай облысынан келген айтыскер Рүстем Қайыртай қанжығасына байлады
Екінші орын Атыраудың абыройын қорғаған Жансая Мусинаға бұйырса, үшінші орынға Сыр бойынан келген Нұрмат Мансұров пен шығыстың жыр жүйрігі Серік Қуанған тұрақтады.
